12
Mar

Solid Earth mitabang pagpamuhi og baboy

Gitanyag sa Solid Earth Development Corp. (SEDC) ang mga panimalay nga kulang og kita sa bukirang bahin sa San Fernando, Cebu og kahigayonang panginabuhian sa pagpadako’g baboy sa ilang tugkaran.

Uban sa pag-abag sa mga opisyales sa Barangay Tonggo, gipili sa SEDC human sa mabinantayon nga proseso sa pagpili ang mga lumolupyo sa Purok 5 nga ginganlan og Gorion nga may pinakadaghang mga asawa nga walay trabaho.

Gisugdan ang proseso pagka-Nobyembre 2017 sa dihang ang ang SEDC, inubanan sa municipal agricultural officer nga si Nelson Soronio ug kapitan Virgilo P. Siarot, nakig-abot ug nakigpulong sa taga-Tonggo bahin sa proyekto.

Mipasabot si Gines Boltron, community relations officer sa SEDC, sa proyekto nga milangkob sa pagpakatap og walo ka baboy matag hugpong, paghatag og pagpakaon, mga tambal ug bitamina, pagpaabut ug pagbuntog sa mga hagit, ug mga gipalapdang benepisyo.

Gigrupo sa SEDC ang mga taga-Gorion sa walo ka mga hugpong nga may walo hangtud 10 ka mga sakop, matag usa gikan sa managlahing pinuy-anan, kinsa gipang-ahwag nga magkasabot, mangandam og ad alang sa walo ka baboy, ug mangita’g kapalita’g baboy.

Kay upat lang ka hugpong ang nakatuman, gi-una lang usa sila harun ma-pilot una ang maong panginabuhian sa dihang gilagdaan nilang Boltron, Siarot ug sa pangulo sa Tonggo Purok 5 Gorion Organization nga si Joseph Barnigo ang memorandum of agreement (MOA) sa Enero 19.

Misaksi si Cresencio Barnigo, tigtambag sa purok, sa pinirmagay uban ni Jasmin Saramosing, barangay community organizer sa SEDC nga mipatuman sa proyekto ubos sa Social Development Management Program (SDMP).

Gipangtunol sa kompanya ang mga baboy sa misunod nga adlaw human sa pagtimaan sa MOA alang sa unang tuyok ngadto sa duha ka hugpong, ang laing duha pagka-Peb. 28. Nakatanyag ang duruha ka mga hugpong og mga baktin pagka Mayo ug Hunyo, ug gipangpasa sa laing mga tinabangan.

“Pagtukod og mas maayong mga komunidad maoy kanunay nga migiya kanato sa pag-abag sa atong mga hingtungdan,” mipadayag si Mitzie Almira I. Carin, tagduma sa human resources and administration division sa SEDC nga nagduma sa SDMP.

“Ang among pamaagi mao ang padayong pagpalambo sa panginabuhian sa atong mga silingang komunidad pinaagi sa pagmugna nila nga mas maresponsible, nagsalig sa ilang kaugalingon ug naggamitan sa kaugalingong mga tinubdan,” siya miingon.

Ang 2,298 ka lumolupyo sa Barangay Tonggo nga anaa sa 475 ka pinuy-anan. May 83 nga kabalayan ang Gorion, 92 porsyento niini mokita lang og P10-mil matag bulan.

Sa hinapos nga bahin sa 2016, ang kliyente sa SEDC nga Taiheiyo Cement Philippines, Inc. (TCPI) mitanyag sa mga namuyo sa ubos nga bahin sa Tonggo og panginabuhiang pagpadako og mga kanding nga padayong gipakatap hangtud karon.

Modagan og duha ka tuig ang proyekto karon diin molekta og balik ang SEDC sa gipuhonan gikan sa halin sa mga baboy sud sa unang tuig aron magamit ang maong puhonan sa mga mosunod nga mga hugpong sa Tonggo hangtud sa ika-unom nga tuyok.

Leave a Reply

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...